Fərabinin adı ilə bağlı olan qanun Azərbaycan musiqişünasları Səfiəddin Urməvi və Əbdülqadir Mərağainin ixtiraçılığı nəticəsində kamil bir alətə çevrilmişdir.

 

İlk dəfə Azərbaycanın ilk qanun ifaçısı Asya Tağıyevanın ifasında "Bayatı-Şiraz" və "Çahargah" muğamları vala köçürülmüşdür.

 

Əsasən, qadınlar tərəfindən ifa edilən qanun aləti üçün Hacı Xanməmmədov “Arzu rəqsi”, “Bahar süitası”, Süleyman Ələsgərov qanun və orkestr üçün poema, “Bahar melodiyaları”, “Sözsüz mahnı”, “Qarabağ havaları”, Oqtay Zülfüqarov qanun və piano üçün konsert, "Beşik mahnısı" pyesləri yazılıb.