Fərhad evi Şahbuz rayonunun Biçənək kəndindən şərqdə, Batabat yaylağında yerləşən arxeoloji abidədir.
Bu mağara haqqında xalq arasında müxtəlif rəvayətlər yayılmışdır.
Qiymətli memarlıq nümunəsi kimi qorunan Fərhad evinin qapısının sağındakı qayanın üzərində uzun saçlı kişi başı, solunda isə qadın rəsmi həkk olunmuşdur.
Tarixi İpək yolunun üstündə qurulan Fərhad evi, rəvayətlərə görə, tacirlərin dincəlməsi və gecələməsi üçün istifadə olunurmuş.
Orta əsrlərdə Fərhad evindən bir qədər şimalda iri karvansara tikilmiş, yerli əhali həmin karvansaranı Şah Abbas karvansarası adlandırmışlar.
