O, Şuşa müəllimlər seminariyasını bitirib, 1922-1926–cı illərdə Ağstafada məktəb direktoru vəzifəsində çalışmış, eyni zamanda Azərbaycan Dövlət Universitetinin fəlsəfə və hüquq fakültəsini də bitirmişdir.

1940-1941-ci illərdə Həsən Quliyev Azərbaycan SSR-nin ibtidai və orta məktəblərin mədəniyyət şöbəsinin rəhbəri olmuş, 1941-ci ildən İkinci Dünya Müharibəsində iştirak etmişdir.

 

233-cü atıcı diviziyanın “Sovet Vətəni üçün” diviziya qəzetinin redaktoru, Sevastopolda batalyon komissarı vəzifəsində xidmət edib. Müharibədə yaralandığı zaman ürək və ağ ciyərləri xəsarət aldığına baxmayaraq, sağalandan sonra yenidən döyüşlərə qatılmışdır.

 

1943-cü ildə 3-cü Ukrayna cəhbəsində Azərbaycan dilində “Sovet döyüşçüsü” qəzetinin redaktoru təyin edilmişdir.

 

Fəaliyyəti dövründə kapitandan hərbi mayor, sonra isə podpolkovnik rütbəsinə qədər yüksəlmişdir. Həsən Quliyev 24 may 1947-ci ildə Sovet Ordusundan təxlis edilmiş və Bakiya köçmüşdür. Uzun müddət müxtəlif sahələrdə məsul vəzifələrdə çalışmışdır. Müharibə dövründə bir sıra mükafatlara layiq görülmüş, 1943-cü ilin iyun ayında "Qırmızı Ulduz" ordeni, 1946-cı ildə isə SSRİ Müdafiə Nazirliyi tərəfindən I dərəcəli "Vətən Müharibəsi” ordeni ilə təltif olunmuşdur.

 

27 aprel 2005-ci ildə Azərbaycan Respublikası Prezidenti İlham Əliyevin fərmanına əsasən, 1940-1945 - ci illərdə Böyük Vətən Müharibəsi Qələbəsinin 60-cı ildönümü ilə bağlı Quliyev Həsən İsa oğlu ölümündən sonra İldönümü medalı ilə təltif edilmişdir.