“Uşaq musiqi, rəssamlıq, muğam, aşıq məktəb və mərkəzlərinin fəaliyyətinin təkmilləşdirilməsi” üzrə Fəaliyyət Planına və Mərkəzin 2022-ci ilin I yarımili üçün İş Planına əsasən təşkil edilən ustad dərslər təhsilin keyfiyyətinin yüksəldilməsi, istedadlı uşaq və gənclərin dəstəklənməsi, məktəb və mərkəzlərə tədris-metodiki dəstəyin göstərilməsi, məktəb və mərkəzlərin müəllim və şagirdləri üçün ustad dərslərinin təşkil edilməsi məqsədilə reallaşıb.

 

Ustad dərslər musiqi nəzəriyyəsi ixtisası üzrə Azərbaycan Milli Konservatoriyasının Dirijorluq və Azərbaycan Dövlət Mədəniyyət və İncəsənət Universitetinin Musiqi sənəti kafedralarının dosenti, sənətşünaslıq üzrə fəlsəfə doktoru, Əməkdar müəllim Təranə Yusifova tərəfindən aparılmışdır.

 

UMİM-nin nəzəriyyə müəllimlərinin bilik, bacarıq və peşə səriştələrinin artırılması məqsədilə təşkil edilən ustad dərslərində musiqi nəzəriyyəsi ixtisasına aid elementar nəzəriyyə, ladlar, Azərbaycan xalq musiqisinin əsasları, harmoniyanın musiqi məktəblərində tədrisi ilə bağlı müəyyən tövsiyələr müəllimlərin diqqətinə çatdırılmışdır.